DURRES, ALBANIA, AP.- Ekiponan di reskate ta buskando posibel sobrebibiente pegá den edifisio di apartamentonan i hotèl kual a kolèps despues ku un temblor a sakudí Albania durante oranan di mardugá. E temblor a laga por lo ménos 20 morto i mas di 600 herido.
E temblor ku un magnitut di 6,4 a sakudí sùit di Balkan tambe, i a kousa vários réplika. Bosnia a registrá un temblor preliminar di 5,4 kual a sakudí Sarajevo i e zona sùitost di e kapital. E temblor a kousa daño pero mínimo.
E temblor a basha edifisionan di apartamentu i hotèl abou miéntras tur hende tabata drumi na Albania. Ekiponan di reskate a traha te den oranan di anochi pa liberá esnan ku por tabata pegá entre ruina. Outoridat no a duna sifra di e kantidat di persona ku posiblemente ta pèrdí òf pegá entre e kantidat di ruina ku e temblor a laga.
Un total di 43 persona a keda reskatá entre ruina di e konstrukshonnan djamars anochi.
E gobièrnu a deklará un dia ofisial di luto awe. Skolnan lo keda será te djaluna, ya ku djaweps i djabièrnè dianan ofisialmente liber. E federashon di futbòl di e pais a anunsiá ku lo kanselá tur partido te otro siman.
