TAIPEI, AP.- Un tifon basta fuerte a asotá Taiwan ayera matando por lo ménos 4 persona i lagando 260 otro heridá, asina outoridatnan a informá.
E tifon Megi a laga hopi awa kai i bientunan di mas di 162 kilometer pa ora. E tifon a toka tera na kosta oriental di e isla.
Entre 268 persona herida di kual 8 turista hapones kende nan bùs a bòltu den sentro di Taiwan. Tres persona a muri ora e bùs a bòltu i un di kuater den aksidente di un trùk, asina Li Wei Sèn bosero di e sentro di emergensia di Taiwan a informá.
Hopi hende a resultá heridá pa ophetonan lès ku tabata bula aki i aya debí na e bientu fuerte. Megi tin 500 kilometer di grandura. Tur kos ta mustra ku e áwaseru lo bai bira mas intenso miéntras e Tifon ta sigui bai riba Taiwan.
