WASHINGTON, AP.- E serebronan den seguridat nashonal di presidente Donald Trump lo enfrentá den Kongreso na momentu ku nan buska un outorisashon nobo di guera. Un atake mortal na Niger ta poniendo ku vários legislador ta deseá di aktualisá e parameternan legal pa operashonnan di kombate den estranhero.
E sekretario di Defensa Jim Mattis i e sekretario di Estado Rex Tillerson lo testifiká djaluna den Komishon di Relashon di Eksterior den Senado. Ambos a bisa den priva na e pènel tres luna pasa ku un lei di 2001 a duna outoridat na militarnan pa enfrentá gruponan terorista.
Sin embargo, esaki ta un posishon ku no ta wòrdu aseptá pa republikanonan i demókratanan den Kongreso. E dinámika riba kampo di bataya a kambia den último 16 añanan i a bira momentu pa remplasá e outorisashon promé ku 11 di sèptèmber pa kombatí al-Qaeda pa un lei ku ta reflehá e menasanan aktual.
Senador Chris Coon, di Delaware, a bisa djaluna pa e kadena CNN ku mayoria miembro di Kongreso no tabata na kargo na momentu ku presidente George W. Bush a promové e lei di guera.
