BOGOTA, COLOMBIA, AFP.- Forsanan militar i polisial a mobilisá djabièrnè den un region na nortwèst di Colombia, paralisá desde mas di un siman kaba pa mineronan ilegal, miéntras ku outoridatnan a dekretá un toke de keda te ku awe mainta.
E Minister di defensa, Ivan Velasquez, a kompartí imágennan di desénas di polisnan i militarnan ku arma largu pa tuma kontrol bèl riba kareteranan di Bajo Cauca, den departamento di Antioquia.
E kamindanan ta blòkia pa e mineronan ku ta protestando desde 2 di mart kontra destrukshon di un di e aparatonan ku ta usa pa saka oro ilegalmente. Siman pasá nan a purba kima e ofisina di e alkalde di Caucasia i djaweps nan a destruí un banko den e siudat aki.
E gobernador di Antioquia, Anibal Gaviria, a dekretá un toke de keda desde djabièrnè 6 or di atardi te ku djasabra 12 or di mèrdia, pa “garantisá òrdu públiko i kordiná e akshon di forsanan públiko”.
