NEW YORK, AP.- Mas o ménos 100 mion persona ta enfrentá difikultatnan nobo despues di un tormenta di sneu enorme di algun dia pasá na kosta ost di Merka. Esaki ta inkluí temperaturanan friu ku un sensashon di -73 grado Celsius, na Washington di New Hamphire. Esaki ta un di e lugánan mas friu na mundu.
E friu teribel na nortost na komienso di fin di siman a afektá Burlington, na Vermont, ku temperaturanan di -18,3 grado Celsius i un sensashon térmiko di 34,4 grado Celsius.
Un ola di 90 centimeter ku a asotá kosta di Massachusetts debí na e tormenta di sneu a kombertí den e altura mas haltu registrá den kasi un siglo. E habitantenan di Boston i nan suburbionan a efektuá labornan di limpiesa djadumingu debí ku e ola a inundá kayanan.
Operadornan di e aeropuerto internashonal John F. Kennedy di New York tabatin difikultat pa superá loke e tormenta a kousa djaweps.
Outoridat di Haf di New York i New Jersey, kual tabata atministrá e aeropuerto, a bisa ku e tabata traha djasabra ku aerolíneanan i e Atministrashon Federal di Aviashon pa limitá e avionnan ku destino pa John F. Kennedy.
