VARSOVIA, AP.- Un ola straño di tornadonan di verano a asotá regionnan nort i west di Polonia, kousando morto di al ménos un persona i leshoná algun 10 otro.
Un área ku ta rondoná e mondi Bory Tuckolskie, un parke nashonal popular entre e turistanan, a keda asotá pa un tornado di entre 800 pa 1000 meter di anchura. Mas di 400 hèktar di mata a keda destruí, segun outoridatnan a bisa i mas di 100 bibienda a keda destruí. E liñanan di koriente tambe a keda basha abou i e kamindanan mester a wòrdu sera miéntras algun shen bombero tabata traha pa move e tronkonnan ku a kai. Algun trein tabatin ku desviá debí na e presensia di piedranan riba kaminda.
E bombero Mieczyslaw Torlop a bisa na televishon TVN ku un hòmber a muri den bario di Wycinki despues ku su kas a basha den otro i plech’é.
