MADRID, Spaña, AFP.- E wèlga di personal di kabina di Ryanair na Spaña, kual a kuminsá na fin di yüni, lo kontinuá te ku yanüari 2023 ku paronan regular di 24 ora, segun indikashon di sindikatonan.
Empleadonan di e kompania aéreo di kosto abou irlandes a lansa e wèlga ria 24 di yüni pa ekshibí mihó kondishonnan laboral, organisá pa Union Sindikal Obrero (USO) i sindikato di tripulantenan di kabina di liñanan aéreo (Sticpla).
Inisialmente a organisá seis dia di paro. Pero USO i Sticla a disidí ku lo prolongá e protesta te ku 28 di yüli. E manifestashonnan a afektá dies aeropuerto spañó kaminda Ryanair ta presente.
Komo ku Ryanar “no a mustra niun intento di aserkamentu ku e sindikatonan” i pa motibu ku e empresa a manifestá ku lo no dialogá, e sindikatonan a sigurá den un komunikado ku nan a wòrdu “obligá pa kontinuá ku e wèlga.
P’esei lo bini paronan nobo di 24 ora desde 8 di ougùstùs riba tur djaweps djabièrnè “te ku 7 di yanüari 2023”.
