MOSCOW, RUSIA, AFP.- Un tribunal di Moscow a duna Marina Ovsyannikova prosèsverbal djamars pa motibu ku e empleado di un kadena di televishon ruso a interumpí un informe pro-Kremlin pa denunsia e atake kontra Ukrania, pero no a enkarsel’é.
Deklará kulpabel di kometé un “infrakshon atministrativo”, Ovsyannikova lo mester paga 250 euro, segun indikashon di un periodista na AFP.
E muhé a rekobrá su libertat, pero ainda e ta enfrentá kargonan penal ku por dun’e kondenanan fuerte di prizòn.
Ovsyannikova a wòrdu huzga djamars despues ku el a manifestá ilegalmente, segun un tribunal di Moscow.
Ovsyannikova a bisa ku e no ta rekonosé su kulpabilidat den sala di korte, segun un periodista di AFP. “Mi ta konvensí ku Rusia ta kometiendo un krímen, i ku e ta agresor di Ukrania”, asina el a añadí.
Te ainda e no a wòrdu kondena pa publikashon di “informashonnan falsu” tokante ehérsito ruso. E por wòrdu kondená na 15 aña di prizòn pa akto aki.
