PARIS, AP.- E korte atministrativo prinsipal di Fransia a anulá e prohibishon imponé den un lokalidat tokante uso di Burkini. E kaso a trese divishon den e pais i a provoká reakshonnan rònt mundu. E desishon di Konseho di estado a konserní e prohibishon di uso di e prendanan musulman na Villeneuve- Loubet, pero e desishon por impaktá tres desena di pueblo den Fransia tambe ku a saka prohibishonnan similar.
E prohibishon a bira kada biaha mas polémiko na momentu ku imágennan di polis obligando e muhénan musulman pa kambia di trahe a kuminsá sirkulá riba Internèt. E paña aki ta kubri e kurpa kompleto.
Defensor di derechonan humano i un musulman kolektivo a kuestioná legalidat di e prohibishon den tribunal argumentando ku e òrdu ta violá e libertat básiko i ku alkaldenan posiblemente a abusá di nan poder pa bisa kiko e muhénan por bisti riba playa.
Alkaldenan a sita múltiple motibu pa adoptá e medidanan, inkluyendo preokupashon pa seguridat relashoná ku atakenan ekstremista resien na Fransia.
Konseho di estado a determiná ku “e emoshon i preokupashon generá di atakenan terorista, notablemente esun na Nice dia 14 di yüli, no ta sufisiente pa hustifiká e lei di prohibishon.
