WASHINGTON, AP.- Presidente merikano Donald Trump a krítika su sekretario di hustisia nobo, Jeff Sessions djaluna, refiriendo na dje den un mensahe di Twitter komo un persona “sitia” i kuestionando dikon Sessions no ta investigando supuesto kontaktonan di Hillary Clinton ku Rusia.
Trump a bolbe konsentrá su rabia riba Sessions, ku tabata un di su aliadonan mas estrecho.
Durante un evento na Kas Blanku, Trump a ignorá e pregunta si Sessions mester renunsia.
E tweet di e presidente riba Sessions ta yega den ménos di un siman despues ku el a krítika Sessions pa esküs su mes di e asuntu riba Rusia, bisando ku nunka e mester a aseptá e puesto di sekretario di Hustisia. Sessions a esküs su mes di e asuntu e aña aki despues di revelá ku el a reuní ku un diplomátiko Ruso aña pasa.
Siman pasa, Sessions a bisa ku e tin plania di keda na su puesto.
Trump ta rabia ku desishon di Sessions, indikando ku e no a avisá Kas Blanku promé ku el a hasi su anunsio públiko.
Sessions i Trump no a papia desde publikashon di e entrevista di Times, segun supsekretario di prensa di Kas Blanku Sarah Sanders.
