WASHINGTON, AP.- Presidente Donald Trump a rechasá e vershonnan di prensa indikando ku Merka ta preparando pa un konflikto béliko ku Iran.
The New York Times a reportá djamars ku Kas Blanku ta revisando plannan pa un guera kontra Iran i ku lo manda 120.000 efektivo pa Medio Oriente, pa si akaso Iran ataká forsanan merikano òf intensifiká fabrikashon di armanan nuklear.
“Ta notisia fake”, asina e mandatario a bisa na reporteronan di Kas Blanku promé ku un biahe pa Louisiana.
El a aklará ku e ta “apsolutamente” dispuesto na despachá forsanan militar pa e region, pero ku e no a formulá ningun plan pa esaki i e no ta spera ku mester hasi esaki tampoko.
El a sigurá ku si Merka hañ’é den un konflikto ku Iran “nos lo manda muchu mas sòldat ku esaki”.
