MIAMI, AP.- Presidente Donald Trump a bisa djabièrnè ku Merka ta “prepará” pa enfrentá e efektonan di Orkan Irma, ku mester mishi ku tera na Florida pa fin di siman.
Trump a papia ku reporteronan promé ku el a subi e helikòpter ofisial ku lo mester hib’é Camp David pa e pasa fin di siman. “Ku suerte tur kos ta bai Sali bon”, asina el a bisa.
Ounke e tabatin difikultat pa skucha e preguntanan ku reporteronan tabata grita, e mandatario a bisa ku si e orkan resultá peligroso, Merka ta prepará pa enfrente.
Trump a afirmá djabièrnè ku orkan Irma ta “un tormento ku potensial históriko destruktivo”.
