LONDON, AP.- Presidente Donald Trump a reuní ku reina Elizabeth II djaluna durante un bishita di dos dia na Gran Bretaña. E ophetivo ta pa fortalesé e laso entre e dos nashonnan. E biahe a kore rísiko di wòrdu kanselá dor di e krísis di Brexit i un disputa polítiko ku e alkalde di London.
Trump i su kasá Melania a wòrdu risibí den un hardin di Palasio di Buckingham pa reina Elizabeth II i a ‘inspekshoná’ e vigilantenan di ‘Guard of Honor’ forma pa e vigilantenan ku e sombré tradishonal traha ku kueru di ber.
Despues di un almuerso ku e reina, Trump por a atmirá partinan di e koalishon den Palasio Buckingham, inkluyendo un mapa di New York di siglo XVIII, potrètnan históriko di gòlf na St. Andrews i bukinan tokante George Washington.
E prínsipe heredero, Charles, i su kasá Camila a duna bonbiní na Trump miéntras nan tabata bahando for di e trapi di nan helikòpter.
