PHILADELPHIA, AP.- Donald Trump a primintí di invertí miónes di dòler den militar merikano, oumentando e kantidat di sòldat, avion, barku i supmarino. El a hasi pa konvensé públiko ku tin kalidat pa bira komandante di e pais mas poderoso na mundu.
Pero e kandidato presidensial republikano, ku na vários okashon a mustra masha poko konosementu di e polítika eksterior, a parse di atmití ku e no tin un plan koherente pa defendé e pais di Estado Islámiko òf atakenan informátika.
Trump a indiká ku si e wòrdu skohé, e lo duna militarnan 30 dia pa elaborá un plan pa derotá EI i tambe lo pidi un plan pa defendé e pais di atakenan informátika.
Trump a papia algun ora promé ku un foro riba seguridat nashonal organisá pa e kanal NBC, kual e kandidato lo mustra su kapasidat di kombersá riba e tema aki.
E diskurso ta konstituí un kontinuashon di e enfoke riba seguridat nashonal ku Trump ta protagonisando den último dianan. E kandidato, multimionario empresario di vienes rais, i eks protagonista di ‘reality shows’ di televishon ta ofresiendo retorikanan kontra enemigunan di Estado Islámiko pero sin duna detaye.
