BRUSELAS, AP.- Union Europeo a lamentá Iran su anunsio indikando ku e pais lo no sigui kumpli ku su obligashonnan nuklear, pero a reiterá su determinashon pa mantené un pakto internashonal vigente. Kual ta impedí e Repúblika Islámiko di desaroyá mas arma atómiko.
Presidente Donald Trump a disidí pa bandoná e akuerdo nuklear di 2015 unilateralmente i introdusí sanshonnan ku a afektá e ekonomia moribundo di Iran. Desde e tempu aki, Tehran a retirá su kompromiso ku e trato gradualmente.
Despues ku su general di rango haltu a wòrdu asesiná pa Merka, Iran a anunsiá fin di siman ku e pais lo no sigui respetá e límitenan di e akuerdo, kual ta pa e pais limitá su enrikesimentu di Uranio.
E hefe di Eksterior di Union Europeo, Josep Borrell, a manifestá su “lamento profundo” pa e notisia i a tweet ku e implementashon kompleto di e akuerdo nuklear “ta mas importante ku nunka, pa stabilidat regional i seguridat global”.
