BRUSELAS, AP.- Union Europeo a oumentá su preshon polítiko riba promé minister britániko Theresa May.
Gran Bretaña lo bandoná UE riba 29 di mart otro aña, kombirtiendo den e promé pais pa hasi esaki. Sinembargo, e pais mester yega na un akuerdo den próksimo simannan pa Parlamento Britániko i Europeo por haña sufisiente tempu pa aprobá esaki. May ta enfrentá preshon kada biaha mas intenso den su propio pais relashoná ku su proposishonnan pa una akuerdo. Un minister mas a renunsiá siman pasá.
No tabatin indikashon di ningun avanse djaluna despues di e reunion ku e ministernan di Asuntu Eksterior. Pero ámbos parti ta stanká den negosiashonnan tékniko pa purba superá e último difikultatnan den un akshon karga ku konsekuensia polítiko i ekonómiko.
E opstákulo prinsipal pa yega na un akuerdo ta resolvé e kuestion tokante kon pa mantené e fluho di produkto atraves di frontera entre Irlanda, miembro di UE i Northern Ireland, parti di Gran Bretaña.
Ambos parti a komprometé na evitá un “frontera kompliká ku revishonnan kostoso i slou ku ta perhudiká hasimentu di negoshi.
