BRUSELAS, BÈLGIKA, AFP.- Reino Uni i Union Europeo a urgi avansenan rápido pa reanudá ku e negosiashon insierto di Brexit djaluna, interumpí pa coronavirus, un pandemia ku ta hasi kasi imposibel pa yega na un akuerdo pa fin di aña.
“E di dos ròndu di negosiashon a kuminsá via un konferensia di video. Nos mester avansá riba tur área. Nos ophetivo ta pa logra progresonan signifikativo pa yüni”, asina e negoshadó europeo Michel Barnier a bisa na komienso di e negosiashonnan ku lo finalisá djabièrnè.
Despues di e separashon ku a sosodé den yanüari, London i Bruselas a duna otro 11 luna pa trese un plan ekonómiko, un plaso ku a bira un reto pa kumpli kuné desde interupshon di e vírus i e rechaso di Reino Uni pa alarga e negosiashon.
E negosiashon a kuminsá riba 2 di mart pero a para despues di un alerta di salú pa COVID-19, kual a infektá e promé minister britániko Boris Johnson i kual a reanudá bou di un reseshon ekonómiko mundial proyektá pa 2020.
