REDDING, CALIFORNIA, MERKA, AP.- Míles di persona evakuá mester a mantené nan emoshonnan bou di kontròl i kuida di nan mes i nan maskotanan, miéntras un kandela di mondi tabata asotá parti di California. E kandela aki tabata drentando den su di kuater dia.
Anna Noly, di 49 aña, a wòrdu desalohá dos biaha den tres dia promé ku el a haña sa ku su kas a kima.
E tabatin pensá di pasa su djasabra anochi den refugio Simpson College na Reddeng miéntras e ta buska un otro sitio kaminda e mester biba.
“Mi ta kere ku ainda mi ta den shòk”, asina Nolu a bisa. “Ta inkreibel pa pensa kubo no tin un kas pa regresá bèk”.
Noly ta un di e 38.000 personanan evakuá despues ku e kandela Carr a yega pafó di Reddeng, den kondado di Hasta. Esaki a inkluí dos bombero, un muhé i dos bisañetu, di 4 i 5 aña.
Un problema den un vehíkulo a start djaluna, pero te djaweps esaki a bira mas grave i a asotá komunidatnan wèst di Reddeng.
Djasabra, esaki a avansá na sùitwèst di Reddeng, e siudat mas grandi di e region, i rumbo pa komunidatnan chikitu di Ono, Igo i Gas Poent, kaminda temperatura haltu, bientu i kondishonnan seku a kompliká e tareanan pa kombatí esaki.
Awor esaki ta e kandela mas importante aktivo na California i ta afektá 340 kilometer kuadrat. Kasi 5.000 struktura ta menasá i e kandela a wòrdu kontené ku apénas 5% di su superfisie.
E último konteo a detektá 536 struktura konsumí pa kandela, i e chèns ta grandi ku e sifra aki ta oumentá. E konteo di The Associated Press a revelá ku por lo ménos 300 di e strukturanan aki tabata kasnan.
