ST. PETERSBURG, FLORIDA, MERKA, AP.- Outoridat di estado di Georgia a bisa ku por lo ménos un persona a muri debí na e tormenta tropikal Irma.
E bosero di e agensia estatal di maneho di emergensia, Catherine Howden, a bisa ku e morto a wòrdu registrá den kondado Worth, 280 kilometer na sùit di Atlanta. E no a duna mas detaye.
Un morto na Florida a wòrdu atribuí na Irma. Den Karibe e orkan a laga 36 morto.
Kasi 7,2 mion kas i negoshinan tabatin elektrisidat den vários estado despues ku Orkan Irma a pasa na sùitost di Merka. Gran parti di esnan afektá ta den Florida. Funshonarionan di emergensia di estado a bisa ku e tormenta a laga mas di 6,5 mion usuario sin elektrisidat djaluna atardi.
Georgia a reportá mas di 570 kasi negoshi sin elektrisidat i na Sur Carolina esaki tabata 80.000.
Irma ta pèrdiendo forsa gradualmente segun e ta pasando na nort di Florida.
E bientunan sostené di Irma a baha na 100 kilometer pa ora i e wowo di e tormenta tabata 115 kilometer na ost di Tallahassee djaluna mèrdia. Esaki tabata desplasando ku rumbo pa nort-nortost ku 28 kilometer pa ora.