WASHINGTON, AP.- Dos restorant ta indiká ku ta kasi imposibel pa kompetí ku un restorant den hotèl di Donald Trump ku ta algun stap leu for di Kas Blanku. P’esei nan a presentá un demanda.
Khalid Pitts i Diane Gross, doñonan di restorant Cork Wine Bar, ta argumentá ku nan ta sufri kompetensia ku no ta hustu bou di e leinan lokal. P’esei nan a entablá un demanda kontra Trump i kontra e empresa Trump Old Post LLC, ku ta funshoná den e hotèl di Trump International.
E demandantenan no a pidi un kompensashon monetario, pero pa Trump remediá e kompetensia inhustu: renunsiando su posishon, separando di e hotèl òf serando esaki miéntras ku e ta presidente. Pitts i Gross ta representá pa nan abogado di negoshi i funshonario di gobièrnu.
Alan Garten, abogado prinsipal di Trump Organization, a rechasá e demanda, bisando ku “ta un triki públiko ku no tin ningun mérito”. E abogado personal di Trump Michael Cohen, no a duna kontesta.
Komo Konstitushon ta otorgá Trump inmunidat komo presidente, e no por wòrdu demandá pa aktonan ofisial den Ofisina Oval. Sinembargo, e por wòrdu nombrá den huisio pa su akshonnan personal òf esnan ku ta involukrá su negoshinan.
