WILLEMSTAD,- Dos luna pasa Usher a kompartí e notisia ku lo e bolbe bira tata. Den luna di sèptèmber, e i su pareha, Jenn Goicoechea a yama bon bini na nan promé yu, un beibi di sekso femenino ku nan a yama ‘Sovereign Bo Raymond’.
Ounke e pareha a tene e notisia dje beibi ketu durante dje embaraso di Jenn, ta parse ku Usher ta kla awor pa papia dje promé lunanan di su yu.
Durante di un presentashon virtual den ‘The Ellen DeGeneres Show’ djárason último, e kantante a kompartí e promé imágen di su yu resien nasi durante di un entrevista.
‘E parse un pòpchi di porselana. E no parse di ta un beibi di bèrdat’, asina Elle a bisa, na momentu ku e tabata wak e potrèt di Sovereign. Usher di su banda ku un sonrisa a rekordá e presentadó ku e yu ta ‘cute’, te na momentu ku bo tin ku kambia su bruki!.
