ROMA, AP.- E sekretario di estado di Vatikano lo ta enkargá di organisá un konferensia internashonal riba protekshon di muchanan di abusu seksual online i infantil. E anunsio a wòrdu hasi algun siman despues ku Vatikano a destitui un di su diplomátikonan involukrá den un investigashon di pornografia infantil.
E organisadónan a bisa ku e òrdu di detenshon emití pa e monseñor Carlo Capella a mustra ku tabata nesesario pa realisá un konferensia, kual lo kuminsá djamars i kulminá djabièrnè. Den esaki, e partisipantenan lo trese nan proposishonnan na Papa Fransisco.
E kardinal Pietro Parolin lo duna e diskurso di e apertura. Entre esakinan tin lidernan investigador riba salú públiko i òrdu públiko manera direktornan ehekutivo di Facebook i Microsoft, un evidensia ku e era digital ta trese menasa eksponensial pa muchanan.
E organisadó, reverendo Hans Zollner a bisa ku “e riesgonan ta den tur parti. No ta un problema di oksidente”.
