CARACAS, AP.- Meimei di inflashon haltu ku ta afektando Venezuela, outoridat a anunsiá djárason ku lo emití tres plaka di papel.
Banko Sentral di Venezuela a indiká den un komunikado ku lo pone papelnan nobo di 10.000, 20.000 i 50.000 bolívar den sirkulashon pa “komplementá” i “optimisá” e papelnan aktual.
E anunsio ta tuma lugá kasi 10 luna despues ku a introdusí papel di plaka di 2, 5, 10, 20, 50, 100, 200 i 500 bolívar i monedanan di 50 sèn i un bolívar e denominashon di e moneda bolívar a wòrdu kambiá pa “bolívar soberano”.
E papel di plaka ku e denominashon mas haltu ta esun di 50.000 bolívar, kual ta ekivalente na 7 dòler.
E hiperinflashon den Venezuela ta haltu i aparte di e problemanan generá pa esaki, e pueblo venezolano mester biba den un skarsedat severo di produktonan básiko i kombustibel i un reseshon fuerte.
For di komienso di aña, plakanan di papel di 2 i 5 bolívar no tabata wòrdu aseptá den sierto negoshi, pòmpnan di gasolin, ni pa shofùrnan di bùs públiko, indikando ku nan no por kumpra nada ku e plakanan aki.
