CARACAS, AP.- E lider opositor venezolano Juan Guaido a ratifiká su aliansa ku mandatario Donald Trump despues ku e presidente tambe a hasi esaki.
E hefe di Asamblea Nashonal venezolano a tene un reunion ku Trump na Kas Blanku, un dia despues ku el a wòrdu invitá pa presensia e diskurso di Estado di Union, kaminda e mandatario a yam’e un “legítimo i berdadero” lider di Venezuela.
Guaido a tene un reunion ku e visepresidente Mike Pence, segun informashon di ofisina di prensa polítiko venezolano. E persona enkargá ku asuntunan di eksterior di Guaido, diputado Julio Borges a anunsiá e hefe di Asamblea Nashonal lo reuní ku diferente outoridat merikano, pero e no a duna mas detaye.
Guaido a wòrdu rekonosé komo presidente interino di Venezuela pa Merka i mas di sinkuenta pais mas. El a partisipá komo un invitado sorpresa di último momentu den e akto na Capitol.
E gira di e lider di 36 aña a kuminsá riba 19 di yanüari kaminda el a bishita Bogota, London, Paris, Bruselas, Madrid, Ottawa i Miami.
