CARACAS, AP.- E gobièrnu di presidente Nicolás Maduro a anunsiá djasabra ku a inisiá e trámitenan pa pidi Brasil pa entregá sinku militar desertor. E militarnan ta supuestamente embolbí den e atake kontra un unidat den un estado na frontera sùit di Venezuela.
E kansier venezolano a elogiá “e akshon di Forsa di Seguridat di Brasil” i a informá ku a aktivá trámitenan diplomátiko nesesario pa pidi i fasilitá entrega di e grupo venezolano aki.
Un unidat militar den estado na sùit di Bolívar, sera di frontera ku Brasil, a wòrdu ataka riba 22 di desèmber mardugá. Un sòldat di Ehérsito a muri durante e konfrontashon, segun informashon di outoridat venezolano.
Desde ku e lider opositor Juan Guaidó a deklará komo presidente interino, diferente militar venezolano a desertá i krusa frontera ku Brasil i Colombia.