WASHINGTON, AFP.- Virginia ta bira e promé estado merikano ku ta abolí pensa di morto despues di ku gobernadó Ralph Northam a firma un lei ku ta kombertí e teritorio aki den e di 23 di e pais ku ta prohibí e práktika aki.
Den un seremonia na prisòn di Greensville kaminda tabata ehekutá prezunan, Northam a anunsiá e prohibishon di e pena di morto.
Virginia a ehekutá mas ehekushon di morto ku niun di e otro 50 estadonan di Merka ku kasi 1400 kondenado na morto, for dia e ta fundashon komo kolonia na prinsipio di 1600.
“Firmando e lei aki ta e kos korekto pa hasi”, asina Northam a bisa, kende a trese dilanti tambe ku Virginia mester ta orguyoso dor di kita e pensa di morto.
Un total di 102 persona a keda ehekutá den e prisòn di Greensville for di su apertura na 1991. E último ehekushon tabata na 2017.
