CARACAS, AFP.- E gobièrnu di Venezuela a informá e organisashon panamerikano di salú OPS su desishon negativo pa risibí vakuna di AstraZeneca kontra di COVID-19, kual su aplikashon no a keda outorisá den e pais, segun presidente Nicolás Maduro i otro funshonarionan haltu a informá.
“Venezuela a outorisá un konhunto di vakuna ku ta esnan ku ta bai yega. No ta bai drenta niun vakuna den e pais, ni mester keda mandá, ku no a keda outorisá pa nos instituto sientífiko nashonal, pa e institutonan farmasuetiko, pa outoridatnan di salú”, asina Maduro bisa den entrevista na televishon.
Caracas a anunsiá su desishon na un representante di OPS dia 15 di mart último den un reunion kaminda a revisá e mekanismo Covax, impulsá pa e organisashon mundial di salu OMA pa garantisá un distribushon ekitativo di inmunisashon kontra COVID-19, asina e visepresidente Delcy Rodriguez a detayá mas tempran den un deklarashon publiká.
