LA-CHAUX-DE-FONDS, SUISA, AFP.- Un persona a muri i alrededor di 15 mas a sali leshoná na parti nortost di Suisa djaluna despues di un “posibel warwarú” ku a gòlpia un siudat den serunan di Jura, kousando daño signifikante.
E insidente a wòrdu registrá den siudat di La Chaux-de-Fonds, un siudat ku ta konosí pa e industria di oloshi, den region di Neuchatel, ku ta keda na frontera ku Fransia.
E tormenta a kousa morto di un persona di mas o ménos 50 aña despues ku un kran di konstrukshon a kai, segun indikashon di polis di Neuchatel.
“Alrededor di 15 persona heridá a haña yudansa médiko di e servisio di emergensia”.
E tormenta a pasa lihé, pero e bientunan fuerte a kousa daño signifikante.
Operashonnan di reskate i limpiesa ta tumando lugá, i polis di Neuchatel a pidi pueblo pa no eksponé nan mes na riesgo.
Tambe nan a atvertí pa mas tormenta i a urgi tur hende pa nan evitá di bai pafó
