BOGOTA, COLOMBIA, AFP.- Nicolas Petro, yu di e presidente di Colombia, a ninga e akusashonnan di korupshon i trafikashon di droga den su kontra segun medionan lokal.
E èks kasá di Nicolas Petro, Day Vasquez, a akus’é den un entrevista ku e revista Semana di tin vínkulonan ku narkotráfiko i kontrabandistanan. Tambe el a keda akusá di risibí plaka pa e kampaña presidensial di Gustavo Petro kual el a usa pa biba un bida luhoso, segun Vasquez, tras di lomba di su tata.
E medio di komunikashon a publiká e transkripshon di vários kombersashon di WhatsApp entre e pareha ku a papia di movementunan di sumanan grandi di plaka, kompra di kasnan di kampo na balor di 330.000 dòler i tratonan di korupshon ku ministernan di gobièrnu.
Huntu ku e revelashonnan di Semana, vários medio di komunikashon mas a publiká ekstraktonan di kuentanan bankario ku gastunan muchu mas haltu kompará ku e salario di un diputado.
