KIEV, UKRANIA, AFP.- Ehérsito di Rusia a purba rondoná Bakhmut kompletamente, un siudat na ost di Ukrania ku a kombertí den episentro di e guera i kaminda trupanan di Kiev ta purba resistí.
Durante di un diskurso, presidente ukraniano Volodymyr Zelensky a rendi homenahe na e kurashi i forsa di e sòldatnan ku ta kombatiendo na Donbas, e region na ost di Ukrania kaminda Bakhmut ta keda.
E mandatario a deskribí e bataya pa Donbas komo doloroso i difísil i a gradisí su sòldatnan ku ta bringando be pa protehá “nos fronteranan i nos siudatnan”.
Den su informe diario, e Estado Ukraniano a informá ku a frustra “mas ku 130 atake di e enemigu” den e último 24 oranan den vários sitio inkluyendo Liman, Bakhmut, Kupianski i Avdiivka.
