CARACAS, AP.- Voluntarionan di Krus Kòrá a distribuí e promé suministronan di emergensia nesesario na Venezuela, despues di vários luna di disputa entre e gobièrnu, ku a ninga ku tin e nashon ta pasando den un krísis humanitario. Opositornan ta purbando di usa e entrega di yudansa pa forsa presidente Nicolás Maduro pa bandoná poder.
Partidarionan di e gobièrnu a tira den laira na momentu ku e trùknan di Krus Kòrá a yega ku distribushon di tabletnan pa purifiká awa i bòternan di plèstik bashí, kreando un konmoshon chikitu riba un avenida prinsipal durante oranan drùk di dia.
Un kontingente chikitu di polis a presentá pa restablesé òrdu.
E lidernan di e organisashon internashonal a pidi outoridat pa mantené e yudansa leu di e disputa polítiko den e nashon.
Sinembargo, ku míles di persona protestando kontra Maduro su mandato e aña aki, e presidente a wòrdu preshoná pa atendé ku e skarsedat di e nashon. El a skohe pa aseptá yudansa di aliadonan manera China, bisando ku esaki ta un medida nesesario pa enfrentá e sanshonnan merikano estrikto.
