CARACAS, VENEZUELA, AFP.- E presidente di Venezuela, Nicolás Maduro a anunsiá djamars ku e promé 100.000 vakunanan di Sputnik V lo yega e pais otro siman. E pais a akordá un total di 10 mion ku outoridat ruso.
“Míles di vakuna Sputnik V lo yega Venezuela otro siman”, segun indikashon di e mandatario na televishon.
E kantidat ta 1% di loke a akordá ku Rusia den novèmber despues di un bishita di un delegashon di su gobièrnu na Moscow.
Maduro a bisa ku e pais ta “den kondishon” pa inisiá un proseso di vakunashon masivo kuminsando aprel.
El a inkluí miembronan di su partido Somos Venezuela en entre e promé personanan ku lo haña e vakuna.
Aparte di e 10 mion dósisnan akordá ku Rusia, Venezuela tin 2,4 mion dósis di e vakuna di AstraZeneca Reserva komo parti di e akuerdo Covax di Organisashon Mundial di Salú, kual lo a keda kanselá djamars último.
No ta evidente di unda e pais lo haña e fondonan nesesario pa paga e vakunanan. E gobièrnu di Maduro no tin akseso na reservanan di e pais den estranhero, kual e lider opositor Juan Guaidó ta manehá. El a keda rekonosé komo e presidente legal di Venezuela pa mei sentenar pais.
