FREEPORT, BAHAMAS, AP.- Mas di 2.500 persona a registrá komo pèrdí na Bahamas despues di Orkan Dorian, segun informashon di outoridat djárason. Sinembargo, mester determiná si algun di e víktimanan aki a tuma refugio na otro islanan òf si nan ta den un sentro di refugio.
Carl Smith, bosero di e agensia ku ta manehá a emergensianan a bisa ku e ta spera ku e lista aki ta redusí segun ta revisá esaki.
Mas di un siman despues ku Dorian a destruí míles di kas riba e islanan di Grand Bahama i Abaco, e kantidat ofisial di morto ta na 50, pero esaki posiblemente lo oumentá, ya ku ekiponan di reskate mester deshasí di e ruina kousá pa e orkan aki.
Ounke a restourá koriente den gran parti di Gran Bahama, Smith a bisa ku e infrastruktura eléktriko na Marsh Harbour, e siudat mas grandi di Abaco, e keda destruí.
