HONG KONG (AP).- Agentenan di duana di Hong Kong a realisá e redada antidroga mas grandi ku a registrá den e siudat, ku e konfiskashon di 649 kilo di kokaina pa un balor di 98 mion dòler den su benta riba kaya, asina outoridatnan di duana a bisa ayera.
Funshonar ionan di duana a bisa ku e droga tabata skondí den un kònteiner ku a yega prosedente di Ecuador.
E kònteiner tabata den un kargamentu ku e Agensia Antidroga Merikano a señalá na outoridatnan di Hong Kong pa a wòrdu someté na un inspekshon mas grandi. Outoridatnan a sigui e kargamentu ora e tabata wòrdu trasladá pa un lugá pa rekoudá e droga den e barionan di Hong Kong te ku a arestá e shofùr di un vehíkulo i dos hòmber mas, integrantenan di un banda lokal di narkotrafikantenan.
Outoridatnan ta sospechá ku gran parti di e droganan tabata destiná pa sùitost di Asia òf China. E konfiskashon ta superá otro konfiskashon di aña pasá di 560 kilo di kokaina na balor di 77 mion dòler den su benta riba kaya.