VARSOVIA, POLONIA (AFP).- Un individuo sospechá di a yuda den preparashon di un plan di servisionan ruso pa asesiná e presidente ukraniano Volodimir Zelenski, a keda arestá na Polonia, segun fiskalnan polako i ukraniano a informá
E detenido a keda identifiká komo Pawel, di nashonalidat polako, i e tabatin e mishon di “rekompilá i entregá informashon- i servisionan di informashon militar di federashon di Rusia” komo tambe planifiká eventual asesinato tentativo.
Pawel K. a “establesé kontakto ku siudadanonan di Federashon Ruso direktamente impliká den e guera di Ukrania”, segun el a agregá.
Outoridatnan polako a keda informá dje aktividatnan dje sospechoso di parti di e general di Ukrania, ku a transmití elementonan esensial dje prueba”, segun ta keda bisá den e dokumento.
Segun e fiskal general di Ukrania, Pawel Klo a haña informashon “riba seguridat di aeropuerto Rzeszow-Jasjonk, den zùitost di Polonia. Ta informashon ku sa keda usá di parti di Zelenski ora k’e ta biaha pafó di Ukrania, pero tambe di parti di dirigentenan estranhero ku ta bai Ukrania òf pa eksaminá yudansa na e pais aki.
