CARACAS (AFP).- Fiskal general di Venezuela, Tarek WilliamSaab, a anunsiá detenshon dje poderoso eks-minister di Petroli Tarick El Aissami, relashoná ku un kaso di korupshon ku a resultá den un pèrdida mionario pa e kompania petrolero estatal PDVSA.
“Nos a logra ku a proba e partisipashon dirèkt i konsekuentemente e detenshon di El Aissami”, segun Saab a bisa den un komunikado.
El Aissami, di 49 aña i sanshoná pa Merka, tabata e hòmber di konfiansa dje presidente Nicolas Maduro, di kende e tabata vise presidente (2017-2018), i di su antesesor, e defuntu lider Hugo Chavez.
El Aissami a entregá retiro dia 20 di mart di 2023 despues dje anunsio di investigashon hudisial pa un kaso vinkulá ku benta di petroli via di cryptoactive. For di despues di esei e no a aparesé mas den públiko ni riba retnan sosial.
E fiskal a mustra un potrèt di su aresto, ku mannan di bui i eskoltá pa dos funshonario ku karanan tapá.
Tambe a anunsiá kaptura di Simon Alejandro Zerpa, eks-minister di Ekonomia, i Smar José Lopez, un empresario akusá di labamentu di plaka.
E benta di petroli via di cryptoactive tabata un movida di gobièrnu pa evitá e sanshonnan finansiero imponé pa Washington kontra di Venezuela, pais ku tin e reservanan petrolero mas grandi di mundu.
Aña pasá na Venezuela nan a arestá 61 funshonario, polítiko i empresarionan relashoná ku un robo di mas ku 15.000 mion dollar.
