SAN DIEGO, AP.- E zoológiko di San Diego a informá ku nan mester a sakrifiká un olefante asiátiko di 50 aña debí na problemanan relashoná ku su edat. E olefante machu a bira malu direpente djamars i no a reakshoná riba e tratamentu di emergensia ku el a haña serka funshonarionan di e zoológiko. E speransa pa bida di un olefante ta alrededor di 42 aña. Na San Diego Zoo Safari Park tabatin e olefante ku yama Rachipur na 1981 ku a keda entregá na e zoológiko dor di un propiedat privá. El a keda transladá pa zoológiko San Diego na 2009 pa biba. Na yanüari e trahadónan di e zoológiko a usa rama pa dekorá i banana pa forma e number 50 na honor di Rachipur su kumpleaño. I den sinku minüt e la kibra su regalo.
