WASHINGTON, AP. – Ora ta trata di Donald Trump, Cher no tin miedu di partisipá. Den deklarashonnan den un evento privá di rekoudashon di foto pa e kampaña di e kandidata presidensial demókrata Hillary Clinton e kantante i aktris a deskargá loke e ta pensa di e kandidato republikano. Cher a kompará Trump ku Stalin i Hitler i a bisa ku e ta kòrdá e personahe infantil asesino di e pelíkula “The bad Seed”. Despues di un reunion di djadumingu último na Provincetown, Massachutes Cher a bisa ku Trump ta un rasista, un ser no amabel pa loke ta trata hende muhé i ta un persona horibel. Un video ku deklarashonnan di Cher a keda poné riba facebook i New York Times ta e promé publiká e deklarashonnan. Riba e mesun red sosial a keda publiká deklarashonnan di Clinton ku ta bisa ku e no por bisa kon emoshoná e ta di tin Cher huntu kuné.
