SAN SALVADOR, EL SALVADOR, AFP.- E promé grupo di 2.000 miembronan di gèng a keda trasladá djabièrnè pa un prizòn enorme, esun di mas grandi di Amérika, diseñá pa akohé 40.000 kriminal segun indikashon di e presidente di El Salvador, Nayib Bukele, kende ta hibando un “guera” kontra e gruponan aki.
E prizòn enorme, ku ta kontené teknologia haltu pa vigilansia, a keda inougurá na komienso di febrüari pa Bukele mes.
Sentenáres di polisnan, agentenan di seguridat di Maneho di Sentronan Penal i sòldatnan a partisipá den e operashon di traslado.
E prizòn a keda konstruí pa warda un parti di algu mas ku 64.000 miembronan di gèngnan detené te ainda, bou di un régimen di eksepshon, dekretá pa Kongreso riba pedido di Bukele.
Pa konstruí e prizòn, e Estado a kumpra 166 hèktar i e esei ta protehá pa wayanan eléktriko i un muraya di betòn di 11 meter haltu.
