CARACAS, AP.- E alkalde di Caracas, Antonio Ledezma, a skapa di aresto na kas i a hui pa Colombia apesar ku forsanan di seguridat venezolano a vigilá e dirigente sosialdemókrata di serka. E ta un di e lidernan di oposishon.
Outoridat migratorio kolombiano señalá den un komunikado ku Ledezma a drenta e pais legalmente djabièrnè via e brùg na frontera Simon Bolivar. Vários di e agentenan di polis di inteligensia venezolano, fuertemente armá, a rondoná e residensia di Ledezma na Caracas manera ku e notisia di su eskape a drenta.
Den su promé komentarionan desde e aeropuerto di e siudat na frontera kolombiano di Cucuta, Ledezma a deskribí su eskape komo un pelíkula.
Teniendo un bandera venezolano, el a bisa ku e lo sigui lucha pa restourá demokrasia venezolano i a agregá ku e desishon pa hui tabata di e mes i a mantené esaki sekreto asta pa su famia, kende tabata bibando for di Venezuela.
Ledezma, di 62 aña, a wòrdu detené na aña 2015 pa kargonan di konspirashon pa kita presidente Nicolás Maduro di su puesto. Despues di dos luna den prizòn el a wòrdu trasladá pa su kas pa asina e hasi operashon di hernia.
