KABL, AFGANISTAN, AP.- Un atakante suisidio a eksplotá su bòmnan na entrada di Korte Supremo di Afganistan djamars, matando por lo ménos 19 persona den un serie di atake kontra poder hudisial di e pais.
E atakante a yega na pia i a para dilanti e porta di e edifisio miéntras empleado i otro personanan tabata sali di e instalashon den sentro di Kabul, segun informashon di Ministerio di Interior. E minister di Sanidat Públiko Ferozuddin a bisa ku 41 persona a resultá heridá, inkluyendo 10 den kondishon kritiko.
Niun hende a atribuí inmediatamente na e atake, ku tin karakterístikanan di Taliban. Insurgentenan tabata den guera ku e gobièrnu respaldá pa Merka durante 15 aña i kada biaha a realisá mas atentado kontra e sistema hudisial, desde ehekushon di seis insurgente ku a wòrdu sentensia den mei último.
Algu despues di e ehekushonnan, un suisidio a ataká un minibus ku un empleado di korte den Kabul durante ora drùk di mainta, matando 11 persona. Taliban a tuma responsabilidat pa e atake i a bisa ku esaki tabata un vengansa.
Den yüni aña pasa tres kombatiente a drenta den un korte den provinsia di Logar, lagando shete morto, inkluyendo un prokurador resien nombrá. Polis a mata e insurgentenan aki.
