PARIS (AFP).- Baiskel a superá outo komo e medio pa move den Paris, den pleno esfuerso dje siudat pa promové e uso di baiskel, segun un estudio.“Komo 10 aña pasá, ken lo por a kere ku e kantidat di baiskel lo a superá e sifra di outo den Paris? “Pues nos a logra”, segun David Billiard ku ta miembro di Parlamento di Fransia.
E estudio realisá pa Insitut Paris Region (IPR), riba petishon di institushonnan públiko i privá, ta señalá ku “parisinonan ta usa baiskel mas tantu” pa move den e kapital franses.
Ku un 11.2% i 4.3%, respektivamente, tur dos medio di transporte ta tras di e kanamentu na pia, ku tin un mayoria di 53.5%,i e transporte públiko (30%), segun e estudio.
Pero pafó di Paris, outo ta imponé riba e trayektonan entre e diferente partinan di su region i te asta ta papia di un “dependensia di outo”.
Outoridatnan ta trahando riba un plan di 200 kilometer di linianan di metro konosí komo Gran Paris Exprés, ku ta buska pa konektá transporte públiko i e barionan pafó di Paris.
