SEUL, SUR KOREA, AP.- E retiro di 2,5 mion telefon Galaxy Note 7 di Samsung ku a sende na kandela i eksplotá tabata e motibu sutil di problema di fabrikashon. Pero esaki ta resaltá e desafio ku fabrikantenan di telefon tin. Kada biaha di nobo nan ta purba di fábrika telefonnan mas fini, kual ta e deseo di mas grandi pa aselerá kompra di e aparatonan.
Samsung a konfirmá ku tabatin un desena di kaso kaminda e baterianan di e Note7asendenakandela òf eksplotá. Esaki a pasa kasi mayoria biaha ku e telefonnan tabata kargando. E kompania a anunsiá ku lo aktualisá e software ku ta stroba baterianan karga mas di 60% pa redusí e riesgo ku esaki ta keinta. Pero e kompania ta rekomendá pa paga e telefon te ora esaki keda remplasá, for di 19 di sèptèmber.
ENote7arisibíhopibon komentario despues di a Sali riba merkado den ougùstùs debí na su velosidat, su software nobo i e hecho ku esaki por funshoná nuebe ora sin mester wòrdu karga. Pero e potensialnan aki mes ta loke ku ta kousa e problemanan menshoná. Apénas algun dia despues di su salida riba merkado, usuarionan a kuminsá keha ku e telefon ta sende na kandela òf eksplotá. Den un kaso, un telefon ku tabata den outo a sende e vehíkulo kompleto na kandela.
Outoridatnan di aviashon di Merka, Europa i Oustralia a rekomendá pa no usa òf karga e Note 7 riba buelo ni pone esaki den ekipahe.
