WASHINGTON, MERKA, AFP.- Presidente merikano Joe Biden a anunsiá djabièrnè ku lo krea un komishon di eksperto pa eksplorá un reforma di Korte Supremo.
Biden lo firma un dekreto djabièrnè pa kuminsá ku funshonamentu di e komishon i lo dura seis luna. Despues di esaki nan lo emití nan rekomendashonnan segun Kas Blanku a bisa den un komunikado.
“E inisiativa ta parti di e kompromiso di e atministrashon pa eksplorá medidanan pa mehora hustisia federal”, asina e gobièrnu a indiká den un komunikado. Aktualmente nuebe hues ku a keda nombrá pa presidente ta forma parti di e Korte Supremo merikano i Senado mester konfirmá nan.
E sekretario di Transporte aktual Pete Buttigieg entre otro, a proponé e posibilidat pa oumentá e kantidat di huesnan den Korte. E republikanonan a rechasá e idea aki.
