CARACAS, VENEZUELA, AFP.- E lider opositor venezolano Juan Guaidó a akusá e gobièrnu di gaña tokante e skarsedat di vakunanan den e pais segurando ku “esaki no tin nada di aber ku niun sanshon”.
“E responsabilidat ta apsolutamente di Nicolás Maduro”, asina Guaidó a bisa, despues di akusá e gobièrnu di tira falta riba otro.
E minister di Eksterior, Jorge Arreaza a bisa djárason den un entrevista ku AFP ku sin e sanshonnan outoridat lo a “kumpra e 30 mion vakunanan ku e pais falta for di tres luna pasá”. Pero Guaidó a bisa ku e skarsedat no ta relashoná ku e sanshon.
E pais a kuminsá ku su kampaña di vakunashon ku Sputnik V den mart i tambe esun chines Sinopharm. Te ainda e pais a haña ménos ku un mion dósis.