CHICO, CALIFORNIA, MERKA, AP.- E bomberonan na California ta enfrentando e desafio di bientu fuerte. Esaki lo kousa masha poko avanse ku e bomberonan a logra despues di lucha kontra e kandelanan di mondi feros aki.
E bientu a yega mas o ménos 80 kilometer pa orea, hasiendo e situashon di e kandela mas grave. E kandela aki a kosta morto di 76 persona segun indikashon di outoridat.
Miéntras unidatnan di reskate tabata buska entre e ruinanan di pueblo Paradise, kasi 1.300 persona ainda ta pèrdí den mas di un siman despues ku e kandela a kuminsá. Asina komandante polisial Kory Honea a indiká riba djasabra anochi.
Papa Fransisco a hasi orashon pa e víktimanan.
Fransisco a ofresé un “plegaria spesial na tur víktima di e kandela na California aki. Esaki ta inkluí víktimanan pa e ola di friu ku ta afektá e kosta oriental di Merka”.
