CARACAS, AP.- Kasi ocho ora despues ku a reanudá e servisio eléktriko, e venezolanonan a wòrdu afektá un biaha mas ku un fayo nobo ku a afektá e kapital i por lo ménos binti estado. Esaki ta uni e serie di blackoutnan nashonal ku ta wòrdu registrá diariamente den e pais suramerikano desde 7 di mart.
E blackout di djadumingu a wòrdu registrá 9:40 di mainta. Den algun di e 23 estadonan di e pais, e servisio a reanudá algun minüt despues, segun indikashon di lidernan lokal.
Ekspertonan ta señalá ku e fayonan ta dor di e atministrashon di Maduro kual ta inkapas di mantené e sistema eléktriko nashonal. E instalashonnan eléktriko ta kasi na ruina, partikularmente e sentralnan termoeléktriko ku ta suministrá 60% di koriente den e pais.
E sentralnan aki ta operá solamente 10% di su kapasidat, konforme sifranan di Asosiashon Venezolano di Ingieneria Eléktriko i Mekániko.
E akuaduktonan den vários region di e pais no ta operando i e sistema di trein supteraneo kual ta transportá kasi 3 mion persona diariamente, a stòp di funshoná
.
