BOGOTA, COLOMBIA, AFP.- Un mucha muhé i tres persona mas a muri djabièrnè den un atake ku eksplosivo na Cartagena del Chaira, na sùit di Colombia. Segun gobièrnu, guerieronan marginalisá di e akuerdo di pas di 2016 a kometé e atake.
E bòm a eksplotá na momentu ku un motersaikel ku tres okupante tabata pasando, inkluyendo e menor di edat. “Desafortunadamente tur tres a fayesé”, asina minister di defensa Diego Molano a bisa na medionan.
E eksploshon a heridá kuater persona mas ku tabata krusando kaya na e sitio kaminda e atake a tuma lugá, un di e personanan aki a muri despues, segun indikashon di un bosero di ehérsito na AFP.
Segun forsanan públiko, e atake tabata dirigí na un patruya di polis ku a pasa un ratu promé ku e eksploshon.
