KIEV, UKRANIA, AFP.- Bombardeonan ruso a mata dos persona, inkluyendo un trahadó di Krus Kora na Kherson djaweps, i kòrta e suministro di koriente kompleto riba e isla, segun indikashon di funshonarionan ukraniano.
E hefe di derecho humano di Nashonnan Uní a presentá pruebanan di asesinatonan di sentenáres di sivil ukraniano di parti di Rusia den e promé lunanan di e invashon.
E komandante di forsa armá di Ukrania a atvertí ku e ta sperando un atake nobo di Rusia kontra Kiev na komienso di otro aña, pues den e promé lunanan di 2023.
Apesar di e retirada humiante di Rusia den e siudat den novèmber, Kherson ta bou di menasa konstante di un bombardeo di e pais.
E kantidat di víktimanan mortal di e invashon a subi konstantemente desde e invashon di Rusia den Febrüari. E atakenan di djaweps na Kherson a mata dos persona, segun indikashon di e hefe di ofisina di presidente Kyrylo Tymoshenko.
