PARADISE, CALIFORNIA, MERKA, AP.- Outoridat na California a kita un òrdu di evakuashon pa e residentenan di e pueblo kaminda e kandela di mondi mas mortal a tuma lugá den historia di e estado.
E medida pa e residentenan di Paradise a pasa mas di un luna despues di e inisio di e kandela, 8 di novèmber, na nort di e estado. E kandela a laga por lo ménos 86 morto i a destruí 14.000 kas den e pueblo i zonanan den pueblonan.
Outoridat a atvertí ku Paradise tin servisio limitá i a konsehá e residentenan pa usa generator di elektrisidat i pa sigurá sufisiente kuminda, awa i kombustibel.
Un funshonario di salú di kondado Butte a emití un atvertensia na e pueblo pa no keda den ningun kas destruí, te na momentu di un deklarashon di zona liber di ruina, ruinanan tóksiko i shinishi.
“Tin antesedente di kandelanan resien den California ku ta indiká ku kasnan destruí pa e kandela ta kontené nivelnan haltu i preokupante di metal pisá, heru, dioksina, merkurio, arséniko i otro agentenan kanseroso”, segun indikashon di un komunikado di sheriff di e kondado i di polis di Paradise.
E kondado ta proveyendo máskara i hanskun pa redusí eksposishon ku materialnan tóksiko.